O‘zbekiston “Ochiq gender maʼlumotlar indeksida” jahondagi eng yaxshi 20 ta mamlakat orasidan joy oldi. Bu haqda Open Data Watch hisobotiga tayanib, Statistika agentligi xabar berdi.
Qayd etilishicha, O‘zbekiston “Ochiq gender maʼlumotlari indeksida” 69,7 ball to‘plagan holda jahondagi eng yaxshi 20 ta mamlakat orasidan joy oldi.
Gender maʼlumotlari indeksi butun dunyo bo‘ylab gender maʼlumotlarining mavjudligi va ochiqligini baholaydi. Indeks 35 ta statistik toifadagi 11 ta ko‘rsatkichning mavjudligiga asoslanadi.
“Mamlakatimizda gender statistikasini yuritish bo‘yicha Statistika agentligi vakolatli organ bo‘lib, agentlikda gender statistikasini yig‘ish, qayta ishlash va tahlil qilish bo‘yicha alohida bo‘linma tashkil etilgan”, — deyiladi xabarda.
Shu bilan birga, Statistika gentligi tomonidan yuritiladigan “gender.stat.uz” saytining barcha bo‘limlarida bugungi kunda 180 dan ziyod gender statistikasiga oid ko‘rsatkichlar 3 ta tilda, 5 xil formatda joylashtirib borilmoqda.
Eslatib o‘tamiz, 2022-yil dekabrda O‘zbekistonda davlat organlari va tashkilotlarida xotin-qizlar va erkaklar uchun teng huquq ta’minlanganini o‘rganish maqsadida genderga oid audit o‘tkazilishi to‘g‘risida xabar berilgandi.
Izoh (0)