Ўзбекистон “Очиқ гендер маълумотлар индексида” жаҳондаги энг яхши 20 та мамлакат орасидан жой олди. Бу ҳақда Open Dаtа Watch ҳисоботига таяниб, Статистика агентлиги хабар берди.
Қайд этилишича, Ўзбекистон “Очиқ гендер маълумотлари индексида” 69,7 балл тўплаган ҳолда жаҳондаги энг яхши 20 та мамлакат орасидан жой олди.
Гендер маълумотлари индекси бутун дунё бўйлаб гендер маълумотларининг мавжудлиги ва очиқлигини баҳолайди. Индекс 35 та статистик тоифадаги 11 та кўрсаткичнинг мавжудлигига асосланади.
“Мамлакатимизда гендер статистикасини юритиш бўйича Статистика агентлиги ваколатли орган бўлиб, агентликда гендер статистикасини йиғиш, қайта ишлаш ва таҳлил қилиш бўйича алоҳида бўлинма ташкил этилган”, — дейилади хабарда.
Шу билан бирга, Статистика гентлиги томонидан юритиладиган “gender.stat.uz” сайтининг барча бўлимларида бугунги кунда 180 дан зиёд гендер статистикасига оид кўрсаткичлар 3 та тилда, 5 хил форматда жойлаштириб борилмоқда.
Эслатиб ўтамиз, 2022 йил декабрда Ўзбекистонда давлат органлари ва ташкилотларида хотин-қизлар ва эркаклар учун тенг ҳуқуқ таъминланганини ўрганиш мақсадида гендерга оид аудит ўтказилиши тўғрисида хабар берилганди.
Изоҳ (0)