Yevropa Chempionlar Ligasida haftaning eng yaxshi o‘yinchisi nomiga da’vogarlar e’lon qilindi

Futbol bo‘yicha Yevropa Chempionlar Ligasida haftaning eng yaxshi futbolchisi bo‘lish uchun nomzodlar e’lon qilindi.

Nomzodlar qatoridan Jud Bellinghem (“Real”), Venderson Galeno (“Portu”), Joau Feliks (“Barselona”) va Martin Edegor (“Arsenal”) kabi futbolchilar joy oldi.

Bellinghem “Union Berlin”ga qarshi bahsning 94-daqiqasida gol urib, jamoasiga g‘alaba keltirdi. Uzatmalar aniqligi — 90%, shuningdek, butun o‘yin davomida 11,4 km yugurgan.

Galeno “Shaxtyor”ga qarshi bahsda (3:1) dubl muallifiga aylandi, darvoza tomon 3 ta aniq zarba berdi va bitta golli uzatmani amalga oshirdi.

Feliks “Antverpen”ga qarshi o‘yinda (5:0) ikkita gol va bitta golli uzatmani o‘z hisobiga yozdirib qo‘ydi. 

Edegor “PSV” bilan bo‘lib o‘tgan uchrashuvda (4:0) bitta gol va bitta golli uzatmaga mualliflik qildi.