MLS. “Inter Mayami” “Toronto” darvozasiga javobsiz 4 ta gol urdi. Lionel Messi va Jordi Alba uchrashuvda jarohat oldi (video)

Futbol bo‘yicha MLS chempionatida “Inter Mayami” 21-sentabr tongida “Toronto” jamoasiga qarshi bahs olib bordi.

Uchrashuv “Inter Mayami”ning 4:0 hisobidagi g‘alabasi bilan yakunlandi. Jamoa tarkibida Farias va Kremaski bittadan gol urgan bo‘lsa, Teylor dublni rasmiylashtirdi.

Lionel Messi va Jordi Alba birinchi bo‘limda jarohat oldi va almashtirildi. Hozircha ularning jarohati qanchalik jiddiyligi haqida ma’lumot berilmagan.

MLS

21-sentabr, payshanba

“Inter Mayami” — “Toronto” 4:0

Gollar: 1:0 – 45 Farias, 2:0 – 54 Teylor, 3:0 – 73 Kremaski, 4:0 – 87 Teylor.

“Inter Mayami”: Kellender, Yedlin, Krivsov, Miller, Alba (Allen, 34), Buskets, Farias, Ruis (Kremaski, 65), Aviles (Arroyo, 65), Messi (Teylor, 37), Martines (Kampana, 65).

“Toronto”: Romero, Franklin, Rusted, Bredli, Petretta (Antonoglou, 69), Vaskes (Servaniya, 12; Ibarra, 26), Osorio, Coello Camarero (Blessing, 69), Insinye, Bernardeski, Kerr (Sapong, 69).