Portugaliyalik futbolchi Krishtianu Ronaldu “Yuventus”ni sudga berishga qaror qildi.
Eslatib o‘tamiz, Koronavirus pandemiyasi davrida “Yuventus” Ronalduning maoshini kechiktirish borasida futbolchi va Turin klubi o‘rtasida yashirin kelishuv bo‘lgan. “Yuventus” 19,9 million yevro pulni hamon Krishga to‘lab bergani yo‘q.
La Gazzetta dello Sport nashrining xabariga ko‘ra, Ronaldu turinliklarni sudga berishga qaror qilgan.
O‘z navbatida Paulo Dibala “Yuventus” bilan munosabatlarini suddan tashqari hal qildi. “Byankoneri” argentinalikka 3 million yevro to‘lab berishga rozi bo‘lgan.
Avvalroq, Leonardo Bonuchchi ham “Yuventus”ni sudga bermoqchiligi xabar qilingandi. Turinliklar futbolchini asosiy tarkibdan chetlatgan va transferga qo‘yganidan norozi bo‘lgandi.
Izoh (0)