Sobiq tennischi Iroda To‘laganova o‘z Instagram sahifasida murojaat qoldirdi.
Unda To‘laganova “Aviasozlar” tennis kortlarining buzilishiga noroziligini bildirgan. Shuningdek, ushbu murojaat O‘zbekiston tennis federatsiyasi rasmiy sahifasiga ham joylangan.
Mamlakatimizda sport obyektlarini buzish haqida qaror qilgan rasmiylarga murojaat qilyapman. O‘zbekistonning har bir hududida tennis stadionlari qurilgan. Toshkent shahrining har bir tumanida tennis kortlari mavjud. Afsuski, hozirda juda ko‘p tennis stadionlari buzib tashlandi. Jizzax shahrida 2 ta, Termizda esa bitta xalqaro standartlarga javob beradigan stadion buzildi.
Toshkentda ham so‘nggi bir necha yil ichida 20 dan ortiq kortlar yo‘qotildi. Hozir esa “Aviasozlar” stadionining kelajagi so‘roq ostida turibdi.
Sizni nafaqat sport stadionlarini buzishni to‘xtatishga, balki yangi stadionlar qurishga chaqiraman.
Iroda To‘laganova
Sportchilar ham Instagram sahifasida “Aviasozlar” tennis kortlari haqida xabarlarga munosabat bildirgan.
Kortlar juma (15-sentabr) kuniga qadar ishlashi, keyin esa ta’mirlash uchun yopilishi ma’lum qilindi. Shuningdek, xodimlarning barchasidan ishdan bo‘shash haqidagi arizalarni yozish so‘ralgan.
Shuncha avlod farzandlarini voyaga yetkazgan majmua, hududdagi yagona sport maskani bilan xayrlashamizmi?
Izoh (0)