Italiyalik futbolchi Leonardo Bonuchchi “Yuventus”ni sudga bermoqchi.
Eslatib o‘tamiz, iyul oyida turinliklar futbolchini asosiy tarkibdan chetlatgandi va transferga qo‘ygandi. Shundan so‘ng Bonuchchi Berlinning “Union” jamoasi safiga o‘tdi.
Janluka di Marsioning xabar berishicha, Leonardo sobiq jamoasini sudga berishga qaror qilgan. Futbolchi “Yuventus”ni uni tarkibdan chetlatgandan so‘ng, odatdagidek mashg‘ulotlarda ishtirok eta olmagani va buning natijasida professional faoliyati va imijiga putur yetganlikda ayblamoqda.
Bonuchchi “byankonerilar” unga yetkazilgan zarar uchun kompensatsiya to‘lashini istamoqda. Bu ish bilan Leoning advokatlari shug‘ullanmoqda.
Agar sud uning talablarini qondirsa, olingan pullar xayriya ishlariga sarflanadi.
Italiyalik futbolchi pullarni Neuroland va Live Onlus kompaniyalariga o‘tkazmoqchi. Birinchi tashkilot bolalar neyroxirurgiyasi bo‘limida yotganlarning bolalarning oilasini qo‘llab-quvvatlasa, ikkinchi tashkilot mashhur sportchilarning buyumlarini kimoshdi savdosida sotish orqali sport klublari, maktablar va munitsipalitetlar uchun defibrilatorlar sotib oladi va sovg‘a qiladi.
Izoh (0)