Portugaliyalik futbolchi Krishtianu Ronaldu so‘nggi 20 yil ichida ilk bor “Oltin to‘p” uchun nomzodlar ro‘yxatida joy olmadi.
France Football nashri “Oltin to‘p” uchun nomzod bo‘lgan 30 nafar futbolchi ro‘yxatini e’lon qildi. 38 yoshli Ronaldu ushbu ro‘yxatdan o‘rin olmadi.
Krishtianu so‘nggi bor 2003-yilda nomzodlar qatoridan joy olmagandi. Portugaliyalik futbolchi faoliyati davomida 5 marta “Oltin to‘p” sovrinini qo‘lga kiritgan.
Ronaldu hozirda Saudiyaning “An-Nassr” jamoasi sharafini himoya qilib kelmoqda. Shu vaqtga qadar Krishtianu Ar-Riyod klubi safida 20 ta o‘yinda maydonga tushib, 20 ta golga mualliflik qilgan.
Izoh (0)