Португалиялик футболчи Криштиану Роналду “Ювентус”ни судга беришга қарор қилди.
Эслатиб ўтамиз, Коронавирус пандемияси даврида “Ювентус” Роналдунинг маошини кечиктириш борасида футболчи ва Турин клуби ўртасида яширин келишув бўлган. “Ювентус” 19,9 миллион евро пулни ҳамон Кришга тўлаб бергани йўқ.
La Gazzetta dello Sport нашрининг хабарига кўра, Роналду туринликларни судга беришга қарор қилган.
Ўз навбатида Пауло Дибала “Ювентус” билан муносабатларини суддан ташқари ҳал қилди. “Бянконери” аргентиналикка 3 миллион евро тўлаб беришга рози бўлган.
Аввалроқ, Леонардо Бонуччи ҳам “Ювентус”ни судга бермоқчилиги хабар қилинганди. Туринликлар футболчини асосий таркибдан четлатган ва трансферга қўйганидан норози бўлганди.
Изоҳ (0)