O‘zbekistonga 2023-yilning yanvar—avgust oylarida 4,3 million nafar chet el fuqarolari turistik maqsadlarda tashrif buyurdi. Bu haqda Statistika agentligi xabar berdi.
Qayd etilishicha, sakkiz oyda O‘zbekistonga chet el fuqarolarining 3,7 million nafari qarindoshlarini yo‘qlash maqsadida kelgan. Shuningdek, mamlakatga kelgan chet el fuqarolarining safar maqsadlari quyidagicha:
- qarindoshlarni yo‘qlash — 3,7 million kishi;
- dam olish — 467 ming kishi;
- xizmat yuzasidan — 87 ming kishi;
- davolanish — 41 ming kishi;
- tijorat — 37 ming kishi;
- o‘qish maqsadida — 7,1 ming kishi.
Mamlakatga yanvar—iyul oylarida jami 3,7 million nafar chet el fuqarosi turistik maqsadlarda kelgani xabar qilingandi. Shu maqsadda eng ko‘p Tojikiston fuqarolari tashrif buyurgan — 1 million 151,4 ming kishi.
Izoh (0)