Eron xavfsizlik kuchlari Mahsa Aminiy o‘limining bir yilligi arafasida uning amakisini hibsga oldi. Bu haqda Reuters xabar berdi.
Eronda 2022-yil sentabr oyi oxirida 22 yoshli Mahsa Aminiy hijobni “noto‘g‘ri” o‘ragani uchun axloq politsiyasi tomonidan hibsga olinganidan keyin vafot etgan. Buning fonida mamlakatda norozilik namoyishlari avj olgan. Unda qatnashgan yuzlab odamlar hibsga olingan, ularning ayrimlari qatl qilingan.
Islom Respublikasini larzaga keltirgan tartibsizliklarning qaytishidan cho‘chigan Eron hukumati 16-sentabr kuni Mahsa Aminiy vafotining bir yilligi munosabati bilan o‘tkaziladigan har qanday yig‘inlarni cheklash maqsadida “muxolifatga qarshi tazyiqni” kuchaytirdi.
“Bir guruh xavfsizlik kuchlari Aminining amakisi Safo Aelining uyiga borgan. Sud qarorisiz uning mashinasi va uyini tintuv qilishgan, keyin esa o‘zini hibsga olishgan. Aelining pasport va shu kabi boshqa hujjatlarini ham olib qo‘yishgan”, — dedi manba.
Hibsga olinishidan oldin, Aeli bir hafta davomida xavfsizlik kuchlari tomonidan kuzatilgan. Uning oila u qayerga olib ketganini bilmaydi. Ularga Aminiy o‘limining bir yilligi sababli hech qanday yig‘ilish o‘tkazmaslik bilan tahdid qilingan.
Izoh (0)