Oziq-ovqat xavfsizligi masalasi G20 sammiti ishtirokchilarining diqqat markazida bo‘ladi. Bu haqda Yevroittifoq vakili Bryusselda jurnalistlarga ma’lum qildi.
“Oziq-ovqat xavfsizligi afrikalik hamkorlar bilan G20 doirasida asosiy masala bo‘ladi. Bizda uchrashuvlar ro‘yxati bor va uchrashuvlar o‘tkazish borasida hech qanday taqiq yo‘q. Biz har qanday formatga ochiqmiz. Agar Turkiya prezidenti bilan uchrashuv bo‘lsa, albatta, g‘alla kelishuvi masalasi ko‘tariladi”, — dedi u.
Yevropa Ittifoqi vakilining taʼkidlashicha, Ukrainadagi urush Hindistondagi sammitda Yevropa Ittifoqi uchun ustuvor masala bo‘ladi, shuning uchun har qanday mavzuga, jumladan, g‘alla kelishuviga ham to‘xtalish mumkin.
Ma’lumot uchun G20 sammiti 9-10-sentabr kunlari Hindistonda bo‘lib o‘tadi.
Izoh (0)