Озиқ-овқат хавфсизлиги масаласи G20 саммити иштирокчиларининг диққат марказида бўлади. Бу ҳақда Евроиттифоқ вакили Брюсселда журналистларга маълум қилди.
“Озиқ-овқат хавфсизлиги африкалик ҳамкорлар билан G20 доирасида асосий масала бўлади. Бизда учрашувлар рўйхати бор ва учрашувлар ўтказиш борасида ҳеч қандай тақиқ йўқ. Биз ҳар қандай форматга очиқмиз. Агар Туркия президенти билан учрашув бўлса, албатта, ғалла келишуви масаласи кўтарилади”, — деди у.
Европа Иттифоқи вакилининг таъкидлашича, Украинадаги уруш Ҳиндистондаги саммитда Европа Иттифоқи учун устувор масала бўлади, шунинг учун ҳар қандай мавзуга, жумладан, ғалла келишувига ҳам тўхталиш мумкин.
Маълумот учун G20 саммити 9-10 сентябрь кунлари Ҳиндистонда бўлиб ўтади.
Изоҳ (0)