Hindiston TIV mamlakat nomi Bharatga o‘zgarishini rad etdi

Hindiston tashqi ishlar vaziri Subramanyam Jayshankar mamlakat nomi Bharatga o‘zgarishini rad etdi. Bu haqda ANI nashri xabar berdi.

Vazir Hindiston konstitutsiyasida ikkita rasmiy til borligini eslatdi: ingliz va hind. Hind tilida mamlakat boshqa nomga ega — Bharat (mustamlakachilikdan oldingi Hindistonning tarixiy nomi). Jayshankar mamlakat nomini o‘zgartirish rejasi yo‘qligini ta’kidladi va muxolifat partiyalarini konstitutsiyani o‘qishga chaqirdi.

Shu bilan birga, vazir “Bharat” atamasining rasmiy protokollarda qayd etilishi avvalroq bo‘lishi kerak edi, deb hisoblaydi.

“Prezident Bxaratni tanlaganidan faxrlanamiz. Bu mustamlakachilik tafakkuridan uzoqlashishga qaratilgan yana bir qadamdir”, — degan u.

Hindiston prezidenti Draupadi Murmu nomidan G20 sammiti sharafiga ziyofatga taklifnomalar yuborilganidan keyin mamlakat nomini o‘zgartirish masalasi paydo bo‘ldi. Taklifnomada Hindiston prezidenti o‘rniga Bharat prezidenti deb yozilgan.

Shundan so‘ng Hindiston mediasi mamlakatning ingliz tilidagi nomini o‘zgartirish sentabr oyida parlamentning navbatdan tashqari sessiyasida muhokama qilinishini yozdi.

“Britaniyaliklar Bharat nomini Hindistonga o‘zgartirgan. Mamlakatimiz ming yillar davomida Bharat nomi bilan tanilgan. Bu qadimgi sanskrit matnlarida uchraydigan mamlakatning qadimiy nomi. Hindiston nomi mustamlakachi davlat tomonidan berilgan va shuning uchun qullik ramzi hisoblanadi. Hindiston nomi konstitutsiyadan olib tashlanishi kerak”, — degan edi deputat Rajya Sabha.