Bundesliga. “Bavariya” o‘z maydonida ishonchli g‘alabaga erishdi, Harri Keyndan dubl

Futbol bo‘yicha Germaniya Bundesligasining 2-turida “Bavariya” 27-avgust, yakshanba kuni “Augsburg”ga qarshi bahs olib bordi.

Uchrashuv myunxenliklarning 3:1 hisobidagi g‘alabasi bilan yakunlandi. Dastlab, “Augsburg” futbolchisi Uduohay o‘z darvozasiga gol urib qo‘ygan bo‘lsa, keyinchalik Harri Keyn dublni rasmiylashtirdi. So‘nggi daqiqalarda Dion Belyo hisobni qisqartirishga muvaffaq bo‘ldi. 

Shu tariqa “Bavariya” musobaqadagi ikkinchi o‘yinida ham g‘alaba qozondi. Angliyalik hujumchi Harri Keyn esa turnirdagi gollari sonini 3 taga yetkazib qo‘ydi.

Bundesliga

2-tur bahsi

27-avgust, yakshanba

“Bavariya” – “Augsburg” 3:1

Gollar: 1:0 – 32 Uduohay (avtogol), 2:0 – 40 Keyn (penalti), 3:0 – 69 Keyn, 3:1 – 86 Belyo.

“Bavariya”: Ulrayx, Mazraui (Laymer, 71), Upamekano, Kim Min Chje (de Ligt, 81), Devis, Goretska, Kimmix, Koman (Gravenberx, 81), Sane (Tel, 71), Keyn, Gnabri (Myuller, 71).

“Augsburg”: Damen, Uduohay, Bauer, Pedersen, Dorsh, Rejbechay (Braytxaupt, 66), Vargas (Kardona, 66), Engels (Gumni, 83), Mixel (Belyo, 66), Demirovich, Berisha (Tits, 66).

Ogohlantirishlar: Rejbechay (56), Kardona (79), Gravenberx (83).