APL. Bir kishi kam bo‘lib o‘ynagan “Liverpul” Nunyesning dubli evaziga kambekni amalga oshirib, “Nyukasl”ni mag‘lub etdi

Futbol bo‘yicha Angliya Premyer Ligasining 3-turida “Liverpul” 27-avgust, yakshanba kuni “Nyukasl” mehmoni bo‘ldi.

Uchrashuvning 25-daqiqasida Antoni Gordon mezbonlarni hisobda oldinga olib chiqdi. 28-daqiqada esa Virjil van Deyk qizil kartochka olib, maydonni tark etdi va o‘yinning qolgan qismida mersisaydliklar bir kishi kam bo‘lib harakat qildi. 

Ikkinchi bo‘limda “qizillar” raqib darvozasi tomon xavfli vaziyatlarni yaratishda davom etdi. 81-daqiqada Darvin Nunyes o‘z hisobiga gol yozdirib qo‘ydi. Hakam qo‘shib bergan daqiqalarda esa Nunyes dublni rasmiylashtirib, “Liverpul”ning g‘alabasini ta’minladi. 

Yurgen Klopp shogirdlari ochkolari sonini 7 taga yetkazdi va 4-o‘rindan joy oldi. “Nyukasl” 3 ochko bilan 13-o‘rinda bormoqda.

APL

3-tur

27-avgust, yakshanba

“Nyukasl” — “Liverpul” 1:2

Gollar: 1:0 – 25 Gordon, 1:1 – 81 Nunyes, 1:2 – 90+3 Nunyes.

“Nyukasl”: Poup, Trippyer, Sher, Botman (Targett, 87), Bern, Bruno Gimaraes, Tonali (Longstaff, 72), Almiron, Joelinton (Anderson, 82), Gordon (Barns, 72), Isak (Uilson, 72).

“Liverpul”: Alisson, Aleksander-Arnold, Matip (Kuansa, 77), van Deyk, Robertson, Endo (Elliott, 58), Soboslai, Mak Allister (Nunyes, 77), Saloh, Dias (Gomes, 33), Gakpo (Diogu Jota, 58).

Ogohlantirishlar: Aleksander-Arnold (6), Trippyer (51), Nunyes (85).