Futbol bo‘yicha Ispaniya La Ligasining 3-turida “Barselona” 27-avgust, yakshanba kuni “Vilyarreal”ga qarshi bahs olib bordi.
Uchrashuvning 12-daqiqasida Gavi Yamalning uzatmasidan so‘ng hisobni ochdi. Oradan 3 daqiqa o‘tib, Frenki de Yong ajoyib kombinatsiyani golga aylantirdi. 26-daqiqada Xuan Foyt hisobni qisqartirgan bo‘lsa, birinchi bo‘lim yakunlanishiga 5 daqiqa qolganda Aleksander Sorlot muvozanatni tikladi. Shu tariqa jamoalar durang natija bilan tanaffusga yo‘l oldi.
Ikkinchi bo‘limni faol boshlangan “Vilyarreal” 50-daqiqada Alexandro Baenaning goli evaziga hisobda oldinga chiqib oldi. 68-daqiqada esa zaxiradan maydonga tushgan Ferran Torres hisobni tenglashtirdi. 71-daqiqada Robert Levandovski kataloniyaliklarning to‘rtinchi goliga mualliflik qildi. Qolgan daqiqalarda jamoalar darvozalarni ishg‘ol etmadi va “ko‘k-anorranglilar” zafar quchdi.
Shu tariqa Xavi shogirdlari ochkolari sonini 7 taga yetkazib, 3-o‘ringa ko‘tarilib oldi.
La Liga
3-tur bahsi
27-avgust, yakshanba
“Vilyarreal” – “Barselona” 3:4
Gollar: 0:1 – 12 Gavi, 0:2 – 15 de Yong, 1:2 – 26 Foyt, 2:2 – 40 Serlot, 3:2 – 50 Aleks Baena, 3:3 – 68 Ferran Torres, 3:4 – 71 Levandovski.
“Vilyarreal”: Yorgensen, Foyt, Gabbiya, Kuenka, Terrats (Komesanya, 70), Pedrasa, Aleks Baena (Morales, 77), Kapu (Denis Suares, 70), Parexo (Dias, 86), Jerar Moreno (Axomash, 70), Serlot.
“Barselona”: ter Stegen, Serji Roberto, Kristensen (Erik Garsiya, 46), Kunde, Alonso, Gundo‘g‘an (Marin, 87), Romeu (Ferran Torres, 63), de Yong, Gavi, Yamal (Fati, 76), Levandovski.
Ogohlantirishlar: Yamal (44), Foyt (45), Levandovski (45), Terrats (57), Gabbiya (80), Erik Garsiya (82).
Izoh (0)