Futbol bo‘yicha O‘zbekiston Superkubogi bahsida 24-avgust, payshanba kuni “Paxtakor” va “Nasaf” jamoalari o‘zaro to‘qnash keldi.
Jizzaxda o‘tgan uchrashuvning 8-daqiqasidayoq “sherlar” hisobni ochdi. Himoyachining xatosidan unumli foydalangan Dragan Cheran to‘pni Banashakka uzatdi. Pshemislav esa to‘pni darvozaga joylab qo‘ydi. Birinchi bo‘lim yakunlanishiga bir necha daqiqa qolganda esa Oybek Bozorov muvozanatni tikladi.
Ikkinchi bo‘limda faollikni oshirgan qarshiliklar Marko Stanoyevichning goli evaziga hisobda oldinga chiqib oldi. Qolgan daqiqalarda gol urilmadi va Qarshi klubi 2:1 hisobida g‘alaba qozondi.
Shu tariqa “Nasaf” jamoasi o‘z tarixida ikkinchi bor O‘zbekiston Superkubogi g‘olibiga aylandi.
O‘zbekiston Superkubogi
24-avgust, payshanba
“Paxtakor” — “Nasaf” 1:2
Gollar: 1:0 — 8 Pshemislav Banashak, 1:1 — 42 Oybek Bozorov, 1:2 — 66 Marko Stanoyevich.
“Paxtakor”: 35. Sanjar Quvvatov, 3. Hojiakbar Alijonov, 7. Odiljon Hamrobekov, 8. Azizbek Turg‘unboyev (20. Hojimat Erkinov, 71), 10. Dragan Cheran, 19. Pshemislav Banashak, 27. Sardor Sobirxo‘jayev, 30. Metyu Stinvorden, 34. Farruh Sayfiyev, 77. Dilshod Saitov (17. Dostonbek Hamdamov, 71), 88. Shahzod Azmiddinov.
“Nasaf”: 1. Umidjon Ergashev, 2. Alibek Davronov, 5. G‘olib G‘aybullayev, 7. Akmal Mozgovoy, 8. Zafarmurod Abdirahmatov, 17. Suhrob Nurulloyev, 19. Mateus Lima (70. Jambuli Jigauri, 54), 34. Sherzod Nasrullayev, 77. Oybek Bozorov, 88. Marko Stanoyevich (9. Javohir Sidiqov, 71), 92. Umarbek Eshmurodov.
Ogohlantirishlar: Hojiakbar Alijonov (24), Alibek Davronov (80).
Izoh (0)