Футбол бўйича Ўзбекистон Суперкубоги баҳсида 24 август, пайшанба куни “Пахтакор” ва “Насаф” жамоалари ўзаро тўқнаш келди.
Жиззахда ўтган учрашувнинг 8-дақиқасидаёқ “шерлар” ҳисобни очди. Ҳимоячининг хатосидан унумли фойдаланган Драган Черан тўпни Банашакка узатди. Пшемислав эса тўпни дарвозага жойлаб қўйди. Биринчи бўлим якунланишига бир неча дақиқа қолганда эса Ойбек Бозоров мувозанатни тиклади.
Иккинчи бўлимда фаолликни оширган қаршиликлар Марко Станоевичнинг голи эвазига ҳисобда олдинга чиқиб олди. Қолган дақиқаларда гол урилмади ва Қарши клуби 2:1 ҳисобида ғалаба қозонди.
Шу тариқа “Насаф” жамоаси ўз тарихида иккинчи бор Ўзбекистон Суперкубоги ғолибига айланди.
Ўзбекистон Суперкубоги
24 август, пайшанба
“Пахтакор” — “Насаф” 1:2
Голлар: 1:0 — 8 Пшемислав Банашак, 1:1 — 42 Ойбек Бозоров, 1:2 — 66 Марко Станоевич.
“Пахтакор”: 35. Санжар Қувватов, 3. Ҳожиакбар Алижонов, 7. Одилжон Ҳамробеков, 8. Азизбек Турғунбоев (20. Ҳожимат Эркинов, 71), 10. Драган Черан, 19. Пшемислав Банашак, 27. Сардор Собирхўжаев, 30. Метю Стинворден, 34. Фарруҳ Сайфиев, 77. Дилшод Саитoв (17. Достонбек Ҳамдамов, 71), 88. Шаҳзод Азмиддинов.
“Насаф”: 1. Умиджон Эргашев, 2. Алибек Давронов, 5. Ғолиб Ғайбуллаев, 7. Акмал Мозговой, 8. Зафармурод Абдираҳматов, 17. Суҳроб Нуруллоев, 19. Матеус Лима (70. Жамбули Жигаури, 54), 34. Шерзод Насруллаев, 77. Ойбек Бозоров, 88. Марко Станоевич (9. Жавоҳир Сидиқов, 71), 92. Умарбек Эшмуродов.
Огоҳлантиришлар: Ҳожиакбар Алижонов (24), Алибек Давронов (80).
Изоҳ (0)