Ozarbayjonning Boku shahrida shaxmat bo‘yicha Jahon Kubogi hal qiluvchi bahsi bo‘lib o‘tdi.
Finalda Magnus Karlsen tay-breykda hindistonlik Rameshbabu Pragnanandhuga qarshi dona surdi.
Uchrashuv taqdiri tay-brekda hal bo‘ldi. Unda Karlsen 2,5 : 1,5 hisobida g‘oliblikni qo‘lga kiritdi.
Magnus faoliyatida ilk bor shaxmat bo‘yicha Jahon Kubogi sohibiga aylandi. Bunga qadar norvegiyalik grossmeysterning eng yaxshi natijasi 3-o‘rin bo‘lgan.
Karlsen uch xil kategoriya bo‘yicha jahon chempioniga aylangan: 2013-yildan 2023-yilga qadar klassik shaxmatda, 2014-2016, 2019 va 2022-yillarda rapid bo‘yicha, 2014-2015, 2017-2019, 2022-yillarda esa blits bo‘yicha.
2023-yilda Karlsen rossiyalik Yan Nepomnyashiyga qarshi shaxmat toji uchun o‘yinda ishtirok etishdan bosh tortgan va buni motivatsiyaning yo‘qolishi bilan izohlagandi. Natijada xitoylik Ding Liren jahon chempionligini qo‘lga kiritgan.
Izoh (0)