Lionel Messi to‘p surayotgan “Inter Mayami” AQSH ochiq Kubogi finaliga yo‘l oldi (video)

Futbol bo‘yicha AQSH ochiq Kubogi yarim finalida “Inter Mayami” 24-avgust tongida “Sinsinnati”ga qarshi bahs olib bordi.

“Inter Mayami” raqibi ustidan g‘alaba qozonib, finalga yo‘l oldi (3:3, penaltilar seriyasida 5:4). Messi uchrashuvni to‘liq o‘tkazdi va ikkita golli uzatmani amalga oshirdi. Ushbu ikki assistni qabul qilib olgan Leonardo Kampana dubl muallifiga aylandi. Shuningdek, Leo penaltilar seriyasida o‘zining imkoniyatidan foydalandi. 

“Inter Mayami” 27-sentabr kuni “Hyuston Dinamo” bilan finalda bahs olib boradi. 

Messi ilk bor AQSH ochiq Kubogida ishtirok etdi. Avvalroq u faqatgina Ligalar Kubogida o‘ynagandi. Hujumchi hali MLS chempionatida maydonga tushgani yo‘q. 

AQSH ochiq Kubogi

Yarim final

24-avgust, payshanba

“Inter Mayami” — “Sinsinnati” 3:3 

Penaltilar seriyasi: 5:4