O‘zbekiston prezidentining tegishli farmoniga asosan adliya katta maslahatchisi Sherzod To‘xtaboyev bosh prokurorning o‘rinbosari lavozimiga tayinlandi. Bu haqda Bosh prokuratura matbuot xizmati xabar berdi.
Sherzod To‘xtaboyev tayinlovga qadar Bosh prokuraturada boshqarma boshlig‘i lavozimida ishlagan.
Shuningdek, prezident farmoniga asosan adliya katta maslahatchisi Jahongir Hatamov ham bosh prokurorning o‘rinbosari lavozimiga tayinlandi.
Jahongir Hatamov tayinlovga qadar Samarqand viloyati prokurori lavozimida ishlagan.
Bundan oldin bosh prokurorning buyrug‘iga asosan adliya katta maslahatchisi Ikrom Narimov transport prokurori etib, shuningdek, Andijon, Namangan va Samarqand viloyatlariga yangi prokurorlar tayinlangani to‘g‘risida xabar berilgandi. Avgust boshlarida Andijon viloyati prokurori Sirojiddin Eshquvvatov Toshkent viloyati prokurori lavozimiga tayinlangandi.
Izoh (0)