Samarqand viloyatining Past Darg‘om tumanida 23 yoshli yigit pichoqlab o‘ldirildi. Voqea marhumning amakivachchasi bilan tortishuvidan kelib chiqqan. Bu haqda “Daryo”ga viloyat IIB axborot xizmati rahbari Jahongir Sagdullayev xabar berdi.
Maʼlum bo‘lishicha, voqea 2023-yilning 1-avgust kuni sodir bo‘lgan.
“Past Darg‘om tumanining ‘Chortut’ mahallasida sodir bo‘lgan qotillik yuzasidan viloyat Ichki ishlar boshqarmasi boshlig‘i Rahmat Mamatov ishtirokida muhokama yig‘ilishi bo‘lib o‘tdi. Unda tuman hokimligi, mutasaddi tashkilotlar, jamoatchilik vakillari va mahalla ahli ishtirok etdi. Amakivachchalarning o‘zaro kelishmovchiligi pichoqbozlikka aylanib ketgan. Oqibatda biri hayotdan bevaqt ko‘z yumdi”, — deydi Jahongir Sagdullayev.
Aniqlanishicha, pichoqlanishi oqibatida vafot etgan marhum M.S. 23 yosh, gumonlanuvchi esa 28 yoshda bo‘lgan.
.jpg)
“Yoshlar masalalari har doim ham davlat va jamiyat uchun muhim hisoblangan. Ertamiz egalarining feʼl-atvori, bilimi va dunyoqarashi, jamiyatda tutgan o‘rni, eng asosiysi kelajagi hech birimizni befarq qoldirmasligi lozim. Nima uchun keyingi vaqtlarda yoshlar jinoyatchiligi ortdi? Uning sabablari tahlil qilinganida, aksariyat yoshlarning kasb-hunar o‘rganmasdan, taʼlim olmasdan bekor yurishgani sabab bo‘layotgani maʼlum bo‘lmoqda”, — deydi muhokama yig‘ilishida so‘z olgan viloyat IIB boshlig‘i Rahmat Mamatov.
.jpg)
Qayd etilishicha, voqea yuzasidan tuman prokuraturasi tomonidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilib, gumonlanuvchi protsessual tartibda ushlangan.
Izoh (0)