Prezidentning 7-avgustdagi tegishli qarori bilan iqtisodiyot va moliya vazirligida ayrim rahbar xodimlar lavozimga tayinlandi va ayrimlari lavozimidan ozod etildi.
Ilhom Norqulov Iqtisodiyot va moliya vazirining birinchi o‘rinbosari etib tayinlandi. U 2023-yil fevraldan buyon vazir o‘rinbosari edi.
Ahadbek Haydarov vazir o‘rinbosari etib tayinlangan. U 2023-yilning 24-fevralidan buyon qishloq xo‘jaligi vaziri o‘rinbosari edi.
Abdulaziz Haydarov vazir o‘rinbosari etib tayinlandi. Tayinlovga qadar 2020-yilning iyunidan buyon Budjetdan tashqari pensiya jamg‘armasi direktori edi.
Otabek Fozilkarimov vazir o‘rinbosari etib tayinlandi. U 2022-yilning martidan buyon sog‘liqni saqlash vaziri o‘rinbosari edi.
Bobur Xo‘jayev vazir o‘rinbosari etib tayinlandi. Bunga qadar Prezident Administratsiyasida sho‘ba mudiri bo‘lgan.
Jasur Qarshiboyev ham vazir o‘rinbosari etib tayinlandi. Tayinlovga qadar vazirlikda Davlat ichki va tashqi qarz departamenti direktori bo‘lib ishlagan.
Murod Otajonov G‘aznachilik xizmati qo‘mitasi raisi etib tayinlandi.
Shuningdek, iqtisodiyot va moliya vazirining o‘rinbosarlari Erkin Rustamov hamda Dilshod Sultonov boshqa ishga o‘tishi munosabati bilan lavozimidan ozod etildi.
Eslatib o‘tamiz, 3-avgust kuni prezidentning tegishli farmoni bilan Jamshid Qo‘chqorov bosh vazir o‘rinbosari — O‘zbekiston iqtisodiyot va moliya vaziri lavozimiga tasdiqlangandi.
Izoh (0)