Prezident tomonidan imzolangan qonun bilan O‘zbekiston hamda Pokiston hukumatlari o‘rtasida harbiy-texnikaviy sohada hamkorlik to‘g‘risidagi bitim ratifikatsiya qilindi, deb xabar bermoqda Telegram’dagi “Huquqiy axborot” kanali.
Ikki davlat o‘rtasida harbiy-texnikaviy sohada hamkorlik to‘g‘risidagi bitimni (Islomobod, 2022-yil 3-mart) ratifikatsiya qilish haqidagi qonun Senatning qirq ikkinchi yalpi majlisida ko‘rib chiqilib, ma’qullangandi.
Bitimning asosiy maqsadi teng huquqlilik va o‘zaro manfaatdorlik tamoyili asosida ikki mamlakat o‘rtasida harbiy-texnikaviy sohada hamkorlikni yanada rivojlantirish hisoblanadi.
Senatorlar ratifikatsiya qilish uchun taqdim etilgan bitimning ahamiyatini yuqori baholab, O‘zbekiston va Pokiston o‘rtasida harbiy-texnikaviy sohadagi hamkorlik ikki davlat qurolli kuchlarining mudofaa salohiyatini yanada oshirish va mintaqaviy xavfsizlik asoslarini mustahkamlashga xizmat qilishini taʼkidlagandi.
Shuningdek, bitimning qabul qilinishi ikki tomonlama munosabatlarni rivojlantirishga yangi turtki berishini va davlatlar o‘rtasidagi strategik hamkorlikni yanada mustahkamlashga xizmat qilishini qayd etgandi.
Izoh (0)