Farg‘ona shahrida erkak telefoniga javob bermagan Yandex haydovchisi mashinasiga g‘isht otib, shikastlagani to‘g‘risida xabar berilgandi. Farg‘ona viloyati IIBning ma’lum qilishicha, gumonlanuvchi shaxs qo‘lga olingan.
1-avgust kuni Farg‘ona shahrida yashovchi fuqaro Sh.S. Yandex’ga taksi buyurtma qilgan hamda buyurtmani mazkur firma haydovchisi, Farg‘ona shahrida yashovchi 21 yoshli I.R. qabul qilib, birozdan so‘ng o‘z boshqaruvidagi Cobalt’da S.Sh. turgan ko‘chaga yetib kelgan.
Biroq fuqaro Sh.S. haydovchining telefon apparati o‘chib qolgani va uning qo‘ng‘irog‘iga javob bermaganidan jahli chiqqan va u bilan o‘zaro janjallashib, I.R.ning avtomashinasi oynalarini tosh bilan urib sindirgan. Janjal sodir bo‘lgan joyda ichki ishlar xodimlarining bo‘lgani va ular vaziyatni bartaraf etish bo‘yicha qat’iy chora ko‘rmagani ijtimoiy tarmoqlarda keng muhokamalarga sabab bo‘ldi.
“Kechirasizlar, qizishib ketib, bir-birimizni tushunmadik. Qonunni buzganimiz uchun mana, jazosini olib, javob berib o‘tiribmiz. Pushaymonman, hammadan uzr so‘rayman, boshqa qaytarilmaydi”, — deydi Sh.S.
Holat yuzasidan Jinoyat kodeksining 277-moddasi (bezorilik) 3-qismi bilan jinoyat ishi qo‘zg‘atilgan, shuningdek, Jinoyat-protsessual kodeksining 221-moddasi tartibida ushlangan. Mazkur holatda ichki ishlar organlari xodimlarining xatti-harakatlari yuzasidan xizmat tekshiruvi tayinlangan.
Iyul oxirlarida Shavkat Mirziyoyev Farg‘ona viloyatida jinoyatchilik va huquqbuzarliklarga qarshi kurashish ishlari qoniqarsizligini tanqid qilgandi. Faoliyatida yo‘l qo‘ygan kamchiliklar uchun Farg‘ona viloyati ichki ishlar boshqarmasi boshlig‘i M. Jo‘rayev lavozimidan ozod etilgan.
Izoh (2)
булар тинчликни сақлаши учун ойлик маошимиздан ушлаб қолинадиган солиқлар хисобидан ойлик маош олиб ойласини боқади...... ахволимиз шулиги шундоқина кўриниб қолди...
Латта ходимлар.............