Kapital bozor bo‘yicha ekspertlardan biri Behruzbek Ochilov UzAuto Motors’ning joriy yilning 1-yarim yilligidagi sof foydasi kamaygani bo‘yicha fikr bildirdi.
“UzAuto Motors’ning 2023-yilning 1-yarim yilligidagi sof foydasi, sotilgan mahsulot tannarxining o‘sishi tufayli tushum ortganiga qaramay, 19 foizga kamaydi.
Sent-Luis Federal zaxira bankining iqtisodiy tadqiqotlari ko‘ra, avtomobil ishlab chiqarish qismlari narxlarida pasayish kuzatilgan. Mening taxminlarim shundan iboratki, UzAuto Motors zarur yarimo‘tkazgichlarga ega bo‘lmagan ko‘plab yarimtayyor avtomobillarni ishlab chiqargan”, — deb yozdi Behruzbek Ochilov.
“2023-yilning birinchi yarmida yarimo‘tkazgichlar taqchilligi bilan bog‘liq deb hisoblash mumkin bo‘lgan avtomobil sanoatidagi yo‘qotishlar butun dunyo bo‘ylab taxminan 524 000 donagacha tushdi.
S&P Global tadqiqotlariga ko‘ra, avtomobil sanoatidagi yarimo‘tkazgichlar taqchilligi umuman olganda, tugagan (lekin u hali ham mavjud).
2023-yilning 2-yarmida UzAuto Motors kompaniyasiga xalaqit berishi mumkin bo‘lgan to‘siqlardan yana biri “Kursiv Uzbekistan” hisobotida ko‘rsatilishicha, ishlab chiqarish liniyalarining modernizatsiya qilinishi. Bu muqarrar ravishda ishlab chiqariladigan avtomobillar miqdori kamayishiga olib keladi.
Shunga qaramay, men UzAuto Motors aksiyalari o‘sishda davom etadi degan optimistik taxmindaman. Chunki kompaniya o‘zining salohiyatini to‘liq ro‘yobga chiqarmagan”, — deya fikrini yakunlagan ekspert.
Izoh (0)