Farg‘ona shahrida joylashgan karaokeda yuz bergan yong‘in oqibatida 6 nafar fuqaro halok bo‘lgani haqida xabar berilgandi. UzReport’ning ma’lum qilishicha, 4 nafar halok bo'lgan va jabrlanganlarning oilasiga 10 million so‘mdan beriladi.
Bu bo‘yicha qaror qabul qilingan. Qarorga ko‘ra, Farg‘ona viloyati Quva tumani “Pastki Xonobod” mahalla fuqarolar yig‘inida yashagan, 2005-yili tug‘ilgan, marhum Begzod Usuvalievning, “Gumxona” mahalla fuqarolar yig‘inida yashagan, 2005-yil tug‘ilgan, marhum Muhammadmuso Ibragimovning, shuningdek, “Bolalik” mahalla fuqarolar yig‘inida yashagan, 2005-yili tug‘ilgan Hojiakbar Shaxobiddinov hamda “Boyiston” mahalla fuqarolar yig‘inida yashagan 2005-yili tug‘ilgan Qizlarxon Jumaboyevalarning oilalarini moddiy qo‘llab-quvvatlash maqsadida “Saxovat va ko‘mak” jamg‘armasida shakllangan pul mablag‘lari hisobidan (har bir oilaga) bir martalik 10 million so‘m miqdorida bo‘lgan pul mablag‘i ajratiladi.
Holat yuzasidan Farg‘ona viloyati prokuraturasi tomonidan jinoyat ishi qo‘zg‘atilgan va tergov harakatlari olib borilmoqda.
Izoh (0)