“UzAuto Motors’нинг 2023 йилнинг 1-ярим йиллигидаги соф фойдаси 19 фоизга камайди” — эксперт

Капитал бозор бўйича экспертлардан бири Беҳрузбек Очилов UzAuto Motors’нинг жорий йилнинг 1-ярим йиллигидаги соф фойдаси камайгани бўйича фикр билдирди.

“UzAuto Motors’нинг 2023 йилнинг 1-ярим йиллигидаги соф фойдаси, сотилган маҳсулот таннархининг ўсиши туфайли тушум ортганига қарамай, 19 фоизга камайди.

Сент-Луис Федерал захира банкининг иқтисодий тадқиқотлари кўра, автомобиль ишлаб чиқариш қисмлари нархларида пасайиш кузатилган. Менинг тахминларим шундан иборатки, UzAuto Motors зарур яримўтказгичларга эга бўлмаган кўплаб яримтайёр автомобилларни ишлаб чиқарган”, — деб ёзди Беҳрузбек Очилов.

“2023 йилнинг биринчи ярмида яримўтказгичлар тақчиллиги билан боғлиқ деб ҳисоблаш мумкин бўлган автомобиль саноатидаги йўқотишлар бутун дунё бўйлаб тахминан 524 000 донагача тушди. 

S&P Global тадқиқотларига кўра, автомобиль саноатидаги яримўтказгичлар тақчиллиги умуман олганда, тугаган (лекин у ҳали ҳам мавжуд).

 2023 йилнинг 2-ярмида UzAuto Motors компаниясига халақит бериши мумкин бўлган тўсиқлардан яна бири “Курсив Узбекистан” ҳисоботида кўрсатилишича, ишлаб чиқариш линияларининг модернизация қилиниши. Бу муқаррар равишда ишлаб чиқариладиган автомобиллар миқдори камайишига олиб келади.

Шунга қарамай, мен UzAuto Motors акциялари ўсишда давом этади деган оптимистик тахминдаман. Чунки компания ўзининг салоҳиятини тўлиқ рўёбга чиқармаган”, — дея фикрини якунлаган эксперт.