Yakshanba kuni Turkiyada yo‘lovchi avtobuslari bilan ikkita yirik YTH sodir bo‘ldi.
Birinchi fojia Kars viloyatida yuz berdi. Haydovchi boshqaruvni yo‘qotib qo‘ygan va avtobus 50 metrlik qoyadan qulagan. Yetti kishi halok bo‘ldi, yana 22 kishi jarohatlandi. Avtobus ichida faqat mahalliy aholi vakillari bo‘lgani aytilmoqda.
Shuningdek, Turkiyaning Alaniya shahrida ichida qozog‘istonlik sayyohlar bo‘lgan mikroavtobus avariyaga uchragani haqida xabar berilgandi. Avtomobil svetoforda o‘tib ketayotgan yuk mashinasiga borib urilgan.
Haydovchi va gid halok bo‘lgan, 12 nafar yo‘lovchi turli tan jarohatlari bilan shifoxonaga yetkazilgan. Vaziyatga oydinlik kiritish uchun Qozog‘iston Respublikasi konsuli voqea joyiga yetib borgan.
Izoh (0)