Qashqadaryo viloyatining Kitob va Chiroqchi tumanlarida sel-suv toshqini kuzatilgani haqida video tarqaldi. Viloyat FVB mazkur xabarlar yuzasidan ma‘lumot berdi.
Unga ko‘ra, soat taxminan 15:47 larda Kitob tumanining “Ko‘xsor” va “Bashir” MFY larida qisqa muddatli yomg‘ir yog‘ishi natijasida mahallaning ichki yo‘llari va sel yo‘llaridan o‘z oqimi bo‘ylab yomg‘ir suvlari oqib o‘tgan. Aholi va xonadonlarga ziyon yetmagan.
Chiroqchi tumanida soat taxminan 16:08 larda “Arabbandi” MFYda qisqa muddatli yomg‘ir yog‘ishi natijasida mahallaning ichki yo‘llarida suv to‘planib qolgan. Aholi va xonadonlarga ziyon yetmagan. Voqea joyiga tuman FVB mas‘ullari chiqqan va o‘rganish ishlari olib borilmoqda.
Yomg‘ir yog‘ishi oqibatida Qashqadaryo viloyati FVB navbatchi dispetcherlik xizmati 101 va 1050 qisqa raqamlariga fuqarolar tomonidan murojaatlar va talofatlar to‘g‘risida hech qanday ma’lumot kelib tushmagan.
Izoh (0)