Bugun 28-iyul, juma kuni Farg‘ona viloyatida Shavkat Mirziyoyev ishtirokida IIV kengaytirilgan hay'at yig‘ilishi bo‘lib o‘tdi. 
Mazkur yig‘ilish prezident matbuot xizmati tomonidan Telegram'da onlayn yoritildi. Yig‘ilishda voyaga yetmaganlar tomonidan sodir etilgan jinoyatlarning eng ko‘pi qaysi hududda ekani ochiqlandi. Bu borada viloyatda ham, respublikada ham eng yomon ahvol Qo‘qon shahrida ekani ko‘rsatib o‘tildi.
Mazkur xabar Qo‘qon shahar hokimligi rasmiy sahifasida ham yoritildi.
Farg‘onalik bloger Olimjon Haydarov e'tibor qaratishicha, hokimlik matbuot xizmati Qo‘qon shahri haqidagi prezident gaplarini o‘chirib yuborgan va qolgan matnni taqdim etgan.
Bundan tashqari, viloyatda voyaga yetmaganlar sodir etgan og‘ir jinoyatlarning 20 foizi va o‘ta og‘ir jinoyatlarning 43 foizi aynan Qo‘qon shahriga to‘g‘ri kelgani haqidagi xabar prezident matbuot xizmati tomonidan e‘lon qilindi. Biroq Qo‘qon shahar hokimligi matbuot xizmati esa mazkur ma'lumotni ham o‘chirgan va qolgan matnni e'lon qilgan.
Izoh (0)