Қашқадарё вилоятининг Китоб ва Чироқчи туманларида сел-сув тошқини кузатилгани ҳақида видео тарқалди. Вилоят ФВБ мазкур хабарлар юзасидан маълумот берди.
Унга кўра, соат тахминан 15:47 ларда Китоб туманининг “Кўхсор” ва “Башир” МФЙ ларида қисқа муддатли ёмғир ёғиши натижасида маҳалланинг ички йўллари ва сел йўлларидан ўз оқими бўйлаб ёмғир сувлари оқиб ўтган. Аҳоли ва хонадонларга зиён етмаган.
Чироқчи туманида соат тахминан 16:08 ларда “Араббанди” МФЙда қисқа муддатли ёмғир ёғиши натижасида маҳалланинг ички йўлларида сув тўпланиб қолган. Аҳоли ва хонадонларга зиён етмаган. Воқеа жойига туман ФВБ масъуллари чиққан ва ўрганиш ишлари олиб борилмоқда.
Ёмғир ёғиши оқибатида Қашқадарё вилояти ФВБ навбатчи диспетчерлик хизмати 101 ва 1050 қисқа рақамларига фуқаролар томонидан мурожаатлар ва талофатлар тўғрисида ҳеч қандай маълумот келиб тушмаган.
Изоҳ (0)