Amerikalik biznesmen Ilon Mask Forbes’ning dunyoning eng boy odamlari reytingida birinchilikni qaytarib oldi. Tesla va SpaceX bosh direktori, shuningdek, Twitter egasining boyligi 242,4 milliard dollarga baholanmoqda.
24-iyul, dushanba kuni Tesla elektromobil xaridorlariga yetti yillik kredit berishini e’lon qilganidan keyin kompaniya aksiyalari 2,5 foizga qimmatlashdi. Bu Maskni 4,1 milliard dollarga boyitdi.
Hozirda tadbirkorning boyligi 242,4 milliard dollarga baholanmoqda va u yana eng boy odamlar ro‘yxatida birinchi o‘rinni egalladi. Mask o‘tgan haftada ikkinchi o‘ringa tushgandi, chunki Tesla’ning choraklik daromadlari to‘g‘risidagi noto‘g‘ri hisobot kompaniya aksiyalarini deyarli 10 foizga tushirgandi.
Milliarderlar ro‘yxatida Louis Vuitton Moët Hennessy guruhi rahbari Bernar Arno 234,6 milliard dollar bilan ikkinchi, Amazon asoschisi Jeff Bezos esa 151,5 milliard dollar bilan uchinchi o‘rinda.
Iyun oyida Bloomberg talqini bo‘yicha dunyoning eng boy odamlari ro‘yxatida Ilon Mask yana birinchi o‘rinni egallagandi. O‘shanda tadbirkorning boyligi 192 milliard dollarga baholangan.
Izoh (0)