Namangan shahrida 17 yoshli qizni tahqirlab, Instagram’da yozuv qoldirgan shaxsga nisbatan jinoiy ish ochildi. Bu haqda viloyat IIB axborot xizmati xabar berdi.
Namangan shahrida yashovchi, 2006-yilda tug‘ilgan voyaga yetmagan qiz ariza bilan murojaat qilib, unda Instagram’da “Hello Namangan” nomli sahifa egasi uni haqorat qilganini bildirib, unga nisbatan qonuniy chora ko‘rishni so‘ragan. Tergovga qadar tekshiruv hujjatlariga ko‘ra, Namangan shahrida yashovchi, 2005-yilda tug‘ilgan voyaga yetmagan shaxs Instagram’da ariza muallifining suratiga uyatli so‘zlarni yozgan va haqorat qilgan.
Oliy ta’lim, fan va innovatsiyalar vazirligi Namangan chet tillari institutining Jahon tillari fakulteti ekspertlarining javob xatida ushbu uyatli so‘zlar biror shaxsga nisbatan sha’n va qadr-qimmatni tahqirlovchi ibora ekani, mazkur so‘zlar axloq tamoyillariga mos kelmasligi ko‘rsatilgan.
Mazkur holat yuzasidan Namangan shahar IIO FMB huzuridagi tergov bo‘limi tomonidan Jinoyat kodeksining 140-moddasi bilan jinoyat ishi qo‘zg‘atilib, dastlabki tergov harakatlariga kirishilgan.
Izoh (0)