Наманган шаҳрида 17 ёшли қизни таҳқирлаб, Instagram’да ёзув қолдирган шахсга нисбатан жиноий иш очилди. Бу ҳақда вилоят ИИБ ахборот хизмати хабар берди.
Наманган шаҳрида яшовчи, 2006 йилда туғилган вояга етмаган қиз ариза билан мурожаат қилиб, унда Instagramъда “Hellо Namangan” номли саҳифа эгаси уни ҳақорат қилганини билдириб, унга нисбатан қонуний чора кўришни сўраган. Терговга қадар текширув ҳужжатларига кўра, Наманган шаҳрида яшовчи, 2005 йилда туғилган вояга етмаган шахс Instagram’да ариза муаллифининг суратига уятли сўзларни ёзган ва ҳақорат қилган.
Олий таълим, фан ва инновациялар вазирлиги Наманган чет тиллари институтининг Жаҳон тиллари факультети экспертларининг жавоб хатида ушбу уятли сўзлар бирор шахсга нисбатан шаън ва қадр-қимматни таҳқирловчи ибора экани, мазкур сўзлар ахлоқ тамойилларига мос келмаслиги кўрсатилган.
Мазкур ҳолат юзасидан Наманган шаҳар ИИО ФМБ ҳузуридаги тергов бўлими томонидан Жиноят кодексининг 140-моддаси билан жиноят иши қўзғатилиб, дастлабки тергов ҳаракатларига киришилган.
Изоҳ (0)