Toshkent viloyatida qayta ta’mirlanayotgan binoda yong‘in chiqdi

Toshkent viloyati Yangiyo‘l shahrida qayta ta’mirlanayotgan bir qavatli binoda yong‘in chiqdi. Bu haqda FVV axborot xizmati xabar berdi. 

Unga ko‘ra, 17-iyul kuni soat 14:59 da Toshkent viloyati Yangiyo‘l shahar “Quvonchtepa” MFY Mashinasozlar ko‘chasida joylashgan bir qavatli ishlab chiqarish uchun mo‘ljallangan, qayta ta’mirlanayotgan binoda yong‘in sodir bo‘lgani haqida viloyat Favqulodda vaziyatlar boshqarmasiga xabar tushgan. 

7 ta yong‘in-qutqaruv ekipaji voqea joyiga soat 15:00 da yetib borib, yong‘in soat 15:43 da o‘rab olindi va soat 16:35 da o‘chirildi. Yong‘in natijasida binoning taxminan 170 kvadrat metr maydonda tom qismi yongan. Hodisa oqibatida fuqarolarning tan jarohati olish va halok bo‘lish holatlari qayd etilmadi.