“Vagner” harbiy texnikalari kimning qo‘lida? Rossiya Mudofaa vazirligi javob berdi

Rossiya Mudofaa vazirligi “Vagner” xususiy harbiy kampaniyasidan barcha harbiy texnika va qurollarni olganini e’lon qildi. 

Mudofaa vazirligining xabar berishicha, Rossiya qurolli kuchlari “rejaga muvofiq” “Vagner” bo‘linmalaridan qurol va harbiy texnikani qabul qilishni yakunladi. U  T-90, T-80, T-72B3 tanklari, Grad va Uragan ko‘p raketa tizimlarini o'z ichiga olgan ikki mingdan ortiq texnika va qurollardan iborat.

Rossiya Mudofaa vazirligi “o‘nlab texnikalar hech qachon jangovar sharoitlarda ishlatilmaganini” ilgari surdi. Qo‘lga kiritilgan barcha texnika va qurollar front orqasiga yetkazilgan.

23-iyun kuni “Vagner” asoschisi Yevgeniy Prigojin o‘zining harbiylashtirilgan guruhining yollanma askarlari ishtirokida Moskvada “adolat marshi”ni e’lon qildi. 

Uning so‘zlariga ko‘ra, marshning maqsadi boshqa ko‘ngilli tuzilmalar singari Rossiya Mudofaa vazirligi bilan 1-iyulgacha shartnoma tuzish taklif qilingan “Vagner”ni yo‘q qilishning oldini olishdir.

24-iyunga o‘tar kechasi “Vagner” yollanma askarlari Rostov-na-Donni egallab oldi va jangchilarning bir qismi Moskvaga jo‘nab ketdi. 

24-iyun Prigojin Aleksandr Lukashenko bilan muzokaralardan so‘ng, yollanma askarlar Luganskdagi “dala lagerlariga” ketayotganini e’lon qildi. 

Shartnomalarga ko‘ra, Prigojin va yollanma askarlar Belarusga “jo‘nab ketishi” kerak, ammo hozircha Belarusda vagnerchilar harakati qayd etilmagan. Lukashenko dastlab Prigojin Belarusdaligini aytgan, keyin buni inkor etgan. Mazkur xabar fonida Peskov Rossiya prezidenti Kremlda “Vagner” rahbari bilan muzokara olib borganini xabar qilgan.