Islandiyada Fagradalsfyadll degan qiyin nomga ega kuchli vulqonning otilishi davom etmoqda. Lava oqadigan yoriqlardan birining uzunligi 900 metrga yetdi.
Vulqon mamlakat poytaxti - Reykyavikdan atigi 30 kilometr uzoqlikda joylashgan. Shahar aholisi allaqachon kuldan iborat bulutlarni ko‘rishmoqda. Politsiya vulqon yo‘nalishidagi asosiy yo‘nalishlarni to‘sib qo‘ygan hamda sayyohlar va mahalliy aholini xavfli joyga yaqinlashmaslikka chaqirgan.
Shuningdek, vulqon atrofida zaharli gazlar to‘planib qolganligi sababli, uylarda derazalarni ochmaslik va ventilyasiyadan foydalanmaslik tavsiya etilmoqda.
Ushbu vulqon otilishi so‘nggi yillardagi uchinchisi bo‘ldi. Otilish kuchi jihatidan u barcha oldingilaridan ustun turadi.
Izoh (0)