Denni De Vito va Rea Perlmanning qizi juda mashhur aktrisa bo‘lganini va Billi Joel va Kristi Brinklining qizi otasining izidan borib, hayotini musiqa bilan bog‘laganini hamma ham bilmaydi. AdMe nashri dunyoga mashhur insonlarning farzandlari qanday ko‘rinishga ega ekanligi va nima bilan shug‘ullanayotgani haqida ma’lumot berdi.
Pirs Brosnan, Kili Shey Smit va ularning o‘g‘li Peris
Pirs Brosnan va Kili Shey Smitning o‘g‘li 2001-yilda tug‘ilgan. Yaqinda Peris kino va televideniye maktabini tamomladi, otasi uni ijtimoiy tarmoqda rafiqasi bilan birgalikda suratga tushib, tabrikladi. Peris otasining izidan borishi mumkin.
Ketrin Zeta-Jons, Maykl Duglas va ularning qizi Keris
2000-yilda Ketrin Zeta-Jons va Maykl Duglas turmush qurdi. Oradan ko‘p o‘tmay ularning qizi Keris dunyoga keldi. Keris musiqaga qiziqadi: u tez-tez ijtimoiy tarmoqdagi sahifasiga qo‘shiq kuylayotgani va pianino chalayotgani aks etgan videolarni joylashtiradi. Ko‘pchilik Kerisni onasiga juda o‘xshashligini aytadi.
Pamela Anderson, Tommi Li va ularning o‘g‘li Brendon Tomas
Pamela Anderson 6 marta turmushga chiqqan. Uning birinchi turmush o‘rtog‘i Tommi Liga bilan turmushidan Brendon Tomas ismli o‘g‘li bor. U hozirda modellik bilan shug‘ullanadi, filmlarda rol o‘ynaydi va hatto o‘zining kiyim-kechak liniyasini ishga tushirgan. Yaqinda Brendon prodyuser sifatida ishlagan “Pamela: Sevgi hikoyasi” filmi ekranlarga chiqdi.
Rassel Simmons, Kimora Li va ularning qizlari Ming va Aoki
Prodyuser Rassel Simmons va tadbirkor, moda dizayneri Kimora Lining ikki nafar — Ming (2000-yilda tug‘ilgan) va Aoki (2002-yilda tug‘ilgan) ismli qizi bor. Ming Nyu-York universitetini tamomlagan va o‘z hayotini moda olami bilan bog‘lamoqchi. Aoki Garvard universitetini tamomlagan, moda bilan shug‘ullanadi, biroq kelajakda huquqshunos bo‘lishni rejalashtirmoqda.
Denni De Vito, Rea Perlman va ularning qizi Lyusi
Denni De Vito va Rea Perlmanning turmush qurganiga 35 yil bo‘ldi. Juftlikning Lyusi ismli qizi bor. U hozirda teatrda faoliyat yuritadi. Aktrisa umumiy hisobda 50 ta filmda suratga tushdi va tez orada uning ishtirokidagi bir nechta loyihalar namoyish etiladi. Ular qisqa metrajli film, teleserial va badiiy filmni o‘z ichiga oladi.
Billi Joel, Kristi Brinkli va ularning qizi Aleksa Rey
Billi Joel va model Kristi Brinklining 1985-yilda tug‘ilgan Aleksa Rey ismli qizi bor. Oradan bir necha yil o‘tgach, uning otasi “Lullabye” qo‘shig‘ini yozdi. Aleksa o‘zini modellik sohasida sinab ko‘rdi, ammo musiqa uning asosiy faoliyat sohasi hisoblanadi.
Xeydi Klum, Flavio Briatore va ularning qizi Leni
Model Xeydi Klum 2003-yilda italiyalik tadbirkor Flavio Briatore bilan munosabatlarni boshladi va keyingi yili ularning qizi Leni dunyoga keldi. Juftlik qizi tug‘ilishidan oldin ajrashdi va Lenini modelning bo‘lajak turmush o‘rtog‘i asrab oldi. U hozir 19 yoshda va modellik biznesida karyerasini boshlamoqda, shuningdek, u bir vaqtning o‘zida interyer dizaynni o‘rganmoqda.
Keyt Uinslet, Jeyms Triplton va ularning qizi Mia
1998-yilda Keyt Uinslet rejissor yordamchisi Jeyms Triplton bilan turmush qurdi, juftlikning turmushidan Mia ismli qizi bor. U 14 yoshida filmlarda rol o‘ynay boshladi. Mianing debyuti “Versal romantikasi” filmida bo‘ldi. Yaqinda u onasi bilan birga “Men Rutman” filmida suratga tushdi, bu filmidagi roli uchun Keyt BAFTA mukofotiga sazovor bo‘ldi.
Fergi, Josh Dyuamel va ularning o‘g‘li Eksl Jek
2004-yilda Fergi aktyor Josh Dyuamel bilan uchrasha boshladi va birozdan keyin u bilan turmush qurdi. O‘zaro munosabatlar boshlanganidan 9 yil o‘tgach, juftlikning o‘g‘li dunyoga keldi. Biroq bir necha yil o‘tgach, Fergi va Josh ajrashishga qaror qildi. Josh Dyuamel o‘g‘lini tarbiyalashda Fergiga yordam beradi va ko‘pincha ijtimoiy tarmoqlarda oilaviy tushgan fotosuratlarni joylashtiradi.
Robin Uilyams, Marsha Garses va ularning qizi Zelda
Robin Uilyams 1989-yilda Marsha Garses bilan turmush qurdi. Keyinchalik ularning qizi Zelda dunyoga keldi. Qizaloq 5 yoshida aktrisa sifatida debyut qildi, keyinchalik u People jurnali bergan ma’lumotlarga ko‘ra 100 ta eng go‘zal insonlar ro‘yxatiga kiritilgan. 2018-yilda Zelda qisqa metrajli film yozdi va loyihaga rejissorlik qildi, bu esa keyinchalik teleserialga aylandi. Yaqinda Zelda o‘zini rejissorlikda sinab ko‘rdi va “Liza Frankenshteyn” filmini suratga oldi.
Farrel Uilyams, Xelen Lasichan va ularning o‘g‘li Roket
2013-yilda xonanda Farrel Uilyams bir muncha vaqt uchrashib yurgan model Xelen Lasichan bilan turmush qurdi. Oradan vaqt o‘tib ularning birinchi farzandi Roket dunyoga keldi. Farrel o‘g‘liga atab “Yaxshi bo‘lish osonmi?” multfilmiga saundtrek ham yozgan. Juftlik ko‘pincha katta o‘g‘lini o‘zi bilan birga ijtimoiy tadbirlarga olib boradi va hatto moda podiumlarida u bilan birga chiqishadi.
Mett Deymon, Lusiana Bosan Barrozo va ularning qizlari Jia va Stella
Mett Deymon va Lusiana Bosan Barrozo 2005-yilda turmush qurdi. Keyinchalik ularning qizi Jia va bir necha yil o‘tgach, Stella ismli qizi dunyoga keldi. Juftlikning 3 ta qizi bor.
Madonna, Karlos Leon va ularning qizi Lurdes Mariya
Madonna 3 yil o‘zining shaxsiy murabbiyi Karlos Leon bilan uchrashdi. 1996-yilda ularning qizi Lurdes Mariya dunyoga keldi. U bolaligida balet, keyin esa modellik bilan shug‘ullangan. Yaqinda Mariya o‘zini xonanda deb e’lon qildi va hozirda Lolahol nomi ostida qo‘shiqlar yozmoqda.
Izoh (0)