Gollivudda xavfli tryuklarni amalga oshirishda kaskadyorlar yordamidan foydalanadigan aktyorlar ko‘p. Biroq ularning orasida muxlislarining e’tirofiga sazovor bo‘lish uchun hech qanday xavfdan qo‘rqmaydigan, aql bovar qilmas tryuklarni o‘zi bajaradigan aktyorlar ham bor. Europa Plus nashri shu kabi aktyorlar haqida ma’lumot berdi.
Kianu Rivz
Kamtarligi bilan mashhur bo‘lgan Kianu Rivz jangovar sahnalarni, mototsikl bilan bog‘liq, yuqoridan pastga sakrash tryuklarini kaskadyorlarning yordamisiz amalga oshiradi. Uning fikricha, aktyor bunday tryuklarni o‘zi bajarishi kerak — bu uning ishi. U “Matritsa” filmining suratga olish paytida osmono‘par binodan taxminan 20 marta sakrab tushganini aytgan. Mashinani oxirgi tezlikda haydash ham uning uchun muammo emas.
“Tryuklarimning 90 foizini o‘zim bajaraman, chunki men tomoshabinlar bilan bog‘lanishga harakat qilaman”, — deydi Rivz.
Tom Kruz
Tom Kruzning tryuklariga qarab, beixtiyor uning miyasida qo‘rquv yo‘qmi, deb o‘ylaysiz. Qanday qilib samolyotning eshigidan ushlab uchish mumkin? Osmono‘par binodan qochish, suv ostida nafasni 6 daqiqa ushlab turish, mototsiklda tramplindan tubsizlikka sakrash, aktyor bularning barchasini bajargan. Aktyor ayrim tryuklarini bajarishda himoyalanmagan. Ekstremallik aktyorga zavq beradi.
“Avvaliga bu tryuk sizni asabiylashtiradi, biroq keyin faqat ilhomlantiradi. Bunday suratga olish jarayonlari paytida tabassumimni zo‘rg‘a ushlab turaman ”, — deydi aktyor.
Sharliz Teron
Balet mashg‘ulotlari bilan shug‘ullanish aktrisaga o‘z ishida yordam beradi. U epizodning belgilangan xoreografiyasiga qat’iy rioya qilinishi kerak bo‘lgan jangovar sahnalarda o‘zini ishonchli his qiladi. Teron “Shaddod mallasoch” loyihasining suratga olish maydonchasida 7 daqiqalik jangovar sahnani o‘ynadi. U zinapoya bo‘ylab ko‘p erkaklarni tarqatib yuborishi va birinchi bo‘lib zinapoyadan pastga tushishi kerak edi. Epizod shu qadar qiyin kechdiki, operator kamerani kaskadyor koordinatoriga topshirdi, u ham aktrisa bilan birga sakrab, yugurib, yiqilib tushdi.
Sharlizning o‘ziga bo‘lgan ishonchi juda kuchli. U “Italyancha ish” filmiga tayyorgarlik ko‘rish paytida quyidagi fikrlarni bildirgan.
“Men yigitlarga qaraganda olti hafta ko‘proq mashq qildim. Bu adolatdan emas. Jahlim chiqdi va: ‘Yaxshi, kelinglar, bu o‘yinni o‘ynaymiz’, dedim. Mening vazifam eng zo‘r bo‘lish edi”, — deydi aktrisa.
Josh Xatcherson
Kentukkilik yigit uyini sotib olgan kumirlari Jeyk Jillenxol va Xit Ledjer kabi o‘zini ishga bag‘ishlaydi. “Ochlik o‘yinlari” va “Yer markaziga sayohat” filmlarining suratga olish maydonchasida bu juda ko‘p kuchni talab qildi, biroq natija yaxshi bo‘ldi.
Kristen Styuart
“Sumerki”dan keyin Kristen Styuart “tosh yuzli qiz” nomini oldi. U xeyterlarga e’tibor bermaydi va ishni juda professional tarzda bajarishda davom etadi. U “Sumerki”dagi barcha xavfli sahnalarni o‘zi o‘ynashga harakat qilgan.
Jeyson Stethem
Stethem pul evaziga Gay Richi bilan shaxmat o‘ynashni va kinoda kaskadyorlik qilishni yaxshi ko‘radi. Suvga sho‘ng‘ish mashg‘ulotlari davomida u o‘z tanasini boshqarishni va tanani tushunishni o‘rgandi. Jeyson qanday tryuklarni qila olishini va qila olmasligini biladi (bunday tryuklar deyarli yo‘q).
“Chegarasiz-3” filmining suratga olish joyida Stethem mashina bilan dengizga tushib ketdi. Agar uning o‘rnida boshqa aktyor bo‘lganida, hammasi fojia bilan yakunlangan bo‘lardi, biroq aktyor uchun bu qiyin kechmadi.
“Men sport bilan shug‘ullanganman. Kimdir aktyorlik bo‘yicha o‘qigan, men esa qariyb 20 yil kaskadyorlik bo‘yicha o‘qiganman. Buni o‘tkazib yubormang. Men ham hamma kabi qo‘rqaman. Biroq o‘zimda vahima paydo bo‘lishiga yo‘l qo‘ymayman. Ba’zida qo‘rquv foydali — bu tufayli adrenalin ishlab chiqariladi va bu tryuklarni bajarishga yordam beradi”, — deydi aktyor.
Deniel Kreyg
Jeyms Bond nafaqat aqlli, balki yomon insonlarga qarshi kurashish uchun ham kuchli bo‘lishi kerak edi. Deniel Kreyg Pirs Brosnandan rolni qabul qilib olgandan so‘ng, ko‘plab tryuklarni bajarishga imzo chekdi. Kadrda mushtlarini organik ravishda silkitish uchun aktyor sobiq dengiz piyodasi Saymon Uoterson bilan mashq qildi. O‘quv dasturi har bir yangi film uchun moslashtirildi. Bir epizodni suratga olishda Kreyg zarbadan qutula olmadi va ikkita tishini yo‘qotdi. Biroq regbi maktabida tahsil olgan aktyor bunday jarohatlardan qo‘rqmaydi:
“Otam sportchi bo‘lishimni orzu qilardi. Men regbini juda yaxshi o‘ynardim, deyarli professional darajada edim va keyinchalik futbol bilan shug‘ullandim. O‘sha yerda yelkamni jarohatlab oldim, bu hamon meni bezovta qilmoqda”, — deydi aktyor.
Jeki Chan
Aktyor o‘zi amalga oshirgan barcha tryuklarni eslay olmaydi, chunki u juda ko‘p qiyin vazifalarni bajargan. Jeki Chan kinoga rol o‘ynash uchun chaqirilmaydi: rejissorlar loyihaga ekshenni qo‘shish uchun gonkonglik aktyordan foydalanadi. Aktyor havo sharidan sakrab tushgan, shishali osmono‘par binodan pastga yugurgan, yuk mashinalari ostida rolikli konkida uchgan. U har bir filmda kurash olib borgan.
Jekining tanasida birorta ham sinmagan suyak qolmagan va sug‘urta kompaniyalari u bilan hamkorlik qilishdan bosh tortgan. 2012-yilda u ekstremal kinodan voz kechish vaqti keldi, deb qaror qildi:
“To‘g‘risini aytsam, men endi yosh emasman. Shunchaki hayotimni xavf ostiga qo‘ymoqchimasman”, — deydi Jeki Chan.
Izoh (0)