Adel konsert dasturida muxlislari orasida unga marhum rafiqasining suratini ko‘rsatayotgan erkakni uchratdi. Xonanda muxlisining bu holatidan shu qadar ta’sirlanganki, u hatto dasturni to‘xtatishga majbur bo‘lgan. Adel nima bo‘layotganini tushunmagan minglab tomoshabinlar oldida yig‘lab yuborgan.
Bularning barchasi Las-Vegasdagi konsert dasturida sodir bo‘ldi
Xonanda Las-Vegasdagi Caesar’s Palace saroyidagi konsert dasturida When We Were Young taronasini ijro etayotgan paytda o‘z muxlislari bilan ko‘rishishga qaror qildi. Aynan shu vaqtda xonanda muxlislari orasida qo‘lida telefon ushlagan erkakni ko‘rib qolgan.
Adel bu muxlisining nimani ko‘rsatayotganini tushungan
Adel muxlisini payqagan zahoti tomoshabinlarga yuzlandi: “Olomon orasidan o‘tayotganimda men ko‘rgan narsalarni ko‘rishingizni xohlardim. Men ko‘pincha insonlar hayotidan olingan kichik hikoyalarni tomosha qilaman. Men bir insonga e’tibor qaratdim, u qo‘lida telefon ushlab turardi. Menimcha, u rafiqasining fotosuratini ko‘rsatdi. U bu yerda yo‘q edi. Men bu voqeadan juda ta’sirlandim”, — deydi xonanda.
U o‘z muxlisiga hamdardlik bildirdi
Muxlisi marhum rafiqasining suratini ko‘rsatayotganini anglagan xonanda: “Bu yerda yolg‘izga o‘xshaysiz, uni yo‘qotganingizdan juda afsusdaman. Menga nima ko‘rsatayotganingizni darhol tushunmadim. Kechiring, shunchaki insonlarning yonidan o‘tayotganimda ularning hayotidagi mana shu kichik parchalarni ko‘rgandek bo‘laman va bu juda chiroyli”, — deb aytgan.
Bu voqea muxlislarning mehriga sazovor bo‘ldi
Video muxlislar orasida shov-shuvga sabab bo‘ldi. Muxlislardan biri: “Adel oqko‘ngil. U ajoyib inson”, — deb izoh qoldirgan. “Bu inson dunyodagi eng yaxshi narsalarga loyiq va uni Adelga o‘xshagan inson himoya qilish kerak”, — deydi yana bir ijtimoiy tarmoq foydalanuvchisi.
Izoh (0)