Turk teleseriallarining asosiy mavsumi yakunlandi, ya’ni ko‘plab mashhur turk aktyor va aktrisalari dam olish va sog‘lig‘ini tiklash uchun suratga olish ishlaridan chetlashdi. “Mening ismim Farah”, “Uch opa-singil”, “Tashkilot” va “Hukm” seriallarining suratga olish ishlarida tanaffus e’lon qilingan, shu sababli loyihada bosh rolni ijro etgan aktyorlar yozgi ta’tilni maroqli o‘tkazmoqda.
Demet O‘zdemir
Quvnoq va go‘zal turk aktrisasi Demet O‘zdemir “Mening ismim Farah” serialining birinchi mavsumini suratga olish ishlarini yakunladi va hozirda yozgi ta’tildan zavqlanmoqda. Aktrisa obunachilariga yangi suratlarini taqdim etib boradi. Demet ayni damda Gretsiyada dam olmoqda va aktrisa muxlislariga u yerdan uy sotib olmoqchi ekanligi haqida gapirgan edi. U obunachilariga bu haqda gapirib bergandan keyin ertasi kuni sahifasiga qizil eshik oldida tushgan suratini joylashtirdi va orzular ro‘yobga chiqishini aytdi.
Serkan Chayo‘g‘lu va O‘zge Gurel
Serkan va O‘zge shu yozda to‘yining bir yilligini nishonlaydi. Balki, juftlik avgust oyida ushbu voqea sharafiga asosiy ta’tilni rejalashtirgandir. Ayni paytda turkiyalik mashhur juftlik Bodrumda vaqt o‘tkazmoqda. Serkan va O‘zge u yerda nafaqat dam olmoqda, balki modalar taqdimotida ishtirok etmoqda. Kuzda Serkan ishtirokidagi “Yongan yurt” serialining suratga olish ishlari boshlanadi. Uning rafiqasi esa qaysi loyihada suratga tushishni rejalashtirgani hozircha aniq emas.
O‘zgu Kaya va Eren Oren
Shu kunlarda yana bir yulduzli juftlik birgalikda dam olmoqda. “Uch opa-singil” aktyorlari O‘zgu Kaya va Eren Oren Amsterdamga sayohat qilishni ma’qul ko‘rdi va ta’til davomida tushgan suratlarini muxlislariga taqdim etishda davom etmoqda. Avgust oyining oxirida aktyorlar melodramaning yangi mavsumida suratga tushadi.
Irem Helvajio‘g‘lu
Irem yaqinda Alp Navro‘z bilan partnyor bo‘lgan “Yurakning boshi berk ko‘cha” melodramasining suratga olish ishlarini yakunlagan edi. Aktrisa kuzda yangi loyiha bilan suratga olish maydonchasiga qaytishi mumkin, biroq hozircha u Turkiyani tark etmaslikka, Pamukkaleda dam olishga qaror qildi. Shahar oq ohaktoshli teraslarda joylashgan termal buloqlari bilan mashhur.
Hafsanur Sanjaktutan
23 yoshli yulduz Hafsanur Sankaktutan so‘nggi paytlarda turk ommaviy axborot vositalarining e’tibor markazida. Aktrisa Kerem Bursin bilan suratga tushgan “Agar chindan ham sevsang” seriali yozgi mavsumning eng kutilgan loyihalaridan biri hisoblanadi. Hafsanur suratga olishdan bir necha kun oldin yozgi ta’tilni o‘tkazish uchun Italiyaga borishga qaror qildi. Aktrisa quyoshda toblanish va kechki ziyofatlarini yoqtiradi.
Kadir Dog‘ulu va Neslihan Atagul
“Tunning oxirida” seriali yulduzlari Kadir Dog‘ulu va Neslihan Atagul yozgi ta’tilini Kipr sayohati bilan boshladi. Mashhur juftlik u yerdan uy sotib olgani haqida mish-mishlar bor.
Burju O‘zberk
Aktrisa yaqinda “Qirolicha” dramasining suratga olish ishlarini yakunladi va darhol yangi taklifni qabul qildi. Burju yangi loyihaning suratga olish ishlari boshlanishidan kamida bir necha kun oldin dam olishga muvaffaq bo‘ldi. Buning uchun aktrisa quyoshli Italiyani tanladi.
Su Burju Joshkun
“Oila uchun” serialining yosh yulduzi loyihaning navbatdagi mavsumi tugaganidan keyin Parijga jo‘nab ketdi. Su Burju Joshkun uchun bu orzular shahri. Aktrisa plyajdagi dam olishni emas, balki muzeylar va boshqa diqqatga sazovor joylarga sayohat qilishni tanladi.
Izoh (0)