Мурат Йилдирим қизалоғининг тўйини ўтказди, Киванч Татлитуғ илк бор ўғлини кўрсатди. Турк киноси янгиликлари

Марокашда фарзанд туғилганда Субуҳ деб номланган анъанавий тўйга ўхшаш маросим ўтказилади. Одатда, бу бола туғилгандан кейин бир ой ичида амалга оширилади, бироқ Мурат Йилдирим рафиқаси ва қизи билан Туркияда яшаганлиги сабабли улар бу маросимни ёзда, Марокашда ўтказди.

Йилдирим ўзи рол ўйнаган “Ташкилот” сериалининг мавсум финалини суратга олиш ишларини якунлагач, турмуш ўртоғи Иман Элбани мамлакати Марокашга йўл олди.

Бахтли ота-оналар ижтимоий тармоқлардаги саҳифасига қизи Мирай учун Марокашда ўтказилган анъанавий маросимдан олинган суратларни жойлади.

2022 йилнинг октябрь ойида Мурат Йилдирим қизи Мирайни қўлига олиб, ота бўлгани ҳақидаги янгиликни мухлисларига маълум қилган эди. Шунингдек, у яна бир нечта оилавий суратларини саҳифасига жойлаган эди.

Актёр яқинда берган интервьюларининг бирида ота бўлиш ҳақидаги фикрларини айтиб берган. “Ота бўлиш дунёдаги энг яхши туйғулардан бири. Бу туйғуни сўз билан ифодалаб бўлмайди. Қизим билан ўртамизда алоҳида ришта бор”, — дейди Мурат Йилдирим.

Марокаш оммавий ахборот воситалари ҳам бу дақиқаларни диққат билан кузатиб борди. Тантанали маросимда Иман анъанавий либосларни бошига тож билан кийган. Элбани — Марокашдаги энг бой ва энг қудратли оилалардан бири, Яқин Шарқда жуда машҳур. Иманнинг отаси нефть бизнеси билан шуғулланади.

Январь ойида Белградда севгилиси Синем Шимшекка турмуш қуришни таклиф қилган Жиҳан Шимшек 2023 йилнинг 24 июнь куни тўй маросимини ўтказди.

Жиҳан ва Синем маросим олдидан оммавий ахборот воситалари вакилларининг саволларига жавоб берди.

“Ҳаяжондамиз. Аслида, ҳеч қачон ҳаяжон бўлмаган эди, бироқ охирги дақиқалар келганида жуда ҳаяжонландик”, — дейди жуфтлик.

Никоҳ маросими Бахчекда бўлиб ўтди. Унда Алина Боз, Барак Жан, Муҳаммад Кайку ва Элки Ерс ва келин-куёвнинг дўстлари, оила аъзолари иштирок этди. Маросимга актёрнинг “Оила учун” лойиҳасидаги кўплаб партнёрлари ташриф буюрди.

Киванч Татлитуғ 2016 йилда севгилиси Башар Дизер билан оила қурган. Жуфтлик 2022 йилда туғилган ўғли Курт Эфени ҳеч қачон камера қаршисида кўрсатмаган. Ҳозирда бахтли оила Бодрумда дам олмоқда.

Киванч Татлитуғнинг ўғли Курт Эфенинг суратини дастлаб мухлисларига кўрсатди. Ижтимоий тармоқ фойдаланувчилари Татлитуғнинг ўғли отасига ўхшаб оқ сочли ва кўк кўзли эканлигини таъкидлаб, турли хил изоҳлар қолдирган.