“O‘zsuvta’minot” AJ axborot xizmati Toshkent shahri aholisi suv hisoblagichlarni o‘rnatish orqali qancha mablag‘ tejashi mumkinligi haqida ma’lumot berdi.
Qayd etilishicha, bugungi kundagi belgilangan me’yorlardan kelib chiqqanda, hovlili xonadonlarga bir kishi uchun bir oyga 12 ming 242 so‘m suv haqi to‘lanadi. Bu o‘rtacha 5 kishilik oila uchun oyiga qariyb 61 ming 213 so‘mga tushadi, yillik xarajat esa 734 ming 562 so‘mga aylanadi. Oqova suvsiz xonadonlar uchun kishi boshiga oylik to‘lov 7 ming 452 so‘m etib belgilangan. Buning uchun besh kishilik oila oyiga 37 ming 260 so‘m to‘lashi lozim. Bir yilda esa suv uchun 447 ming 126 so‘m xarajat qiladi.
Bundan tashqari, har metr kvadrat bo‘sh yerga 319 ming yillik to‘lov qilish hisoblagichsiz xonadonlar uchun majburiy hisoblanadi. Agar umumiy xarajat hisoblansa, oila budjetiga sezilarli darajada zarar yetishi mumkin. Ko‘p qavatli uylarda hisoblagich o‘rnatilmagan taqdirda, kishi boshiga 17 ming 33 so‘m to‘lov undiriladi. 5 kishilik oila uchun oyiga 85 ming 166 so‘mga, yiliga esa 1 million 021 so‘mga tushadi.
Hisoblagich asosida xarajatlar hisoblanganda esa quyidagicha bo‘ladi. Oqova suvli xonadonlar bir kub metr suv uchun 950 so‘m haq to‘laydi. Agar bir kunda umumiy 1 kub metr suv ishlatilsa, besh kishilik oila uchun oyiga 28 ming 500 so‘mga, yiliga esa 342 ming so‘mga aylanadi. Oqova suvsiz xonadonlar esa har kub metr suv uchun 500 so‘mdan haq to‘laydi.
Izoh (0)