Aripovdan Musayevgacha — hukumat a’zolari prezident saylovida qatnashdi (foto)

Bugun, 9-iyul – O‘zbekiston prezidentining muddatidan ilgari saylovi bo‘lib o‘tmoqda. Markaziy saylov komissiyasi axborotida soat 13:00 holatiga ko‘ra, saylovda 11,7 milliondan ortiq, yaʼni 60,7 foiz saylovchi ovoz berib ulgurgan. “Daryo” saylovda oila aʼzolari bilan faol qatnashgan hukumat a'zolari suratlarini jamladi.

Bosh vazir Abdulla Aripov oila aʼzolari bilan Toshkent shahridagi 520-saylov uchastkasiga kelib, ovoz berdi.

Iqtisodiyot va moliya vaziri Sherzod Kudbiyev ham saylovda qatnashib, ovoz berdi.

Oliy taʼlim, fan va innovatsiyalar vaziri Ibrohim Abdurahmonov Toshkent shahridagi 818-saylov uchastkasida ovoz berdi.

Investitsiyalar, sanoat va savdo vaziri Laziz Qudratov saylovda o‘z oila aʼzolari bilan ishtirok etib, Toshkent shahridagi 32 -saylov uchastkasida ovoz berdi.

Raqamli texnologiyalar vaziri Sherzod Shermatov poytaxtdagi 356-saylov uchastkasida bo‘lib, o‘zi yoqlagan nomzodga ovoz berdi. 

O‘zbekiston sog‘liqni saqlash vaziri Amrillo Inoyatov ham prezidentlik saylovida ishtirok etib, oila aʼzolari bilan birga ovoz berdi.

O‘zbekiston Madaniyat va turizm vaziri Ozodbek Nazarbekov Toshkent shahridagi 19-saylov uchastkasida ovoz bergan.

Energetika vaziri Jo‘rabek Mirzamahmudov ham oila a’zolari bilan saylovda qatnashib, ovoz berdi.

Qishloq xo‘jaligi vaziri Aziz Voitov saylovda ishtirok etib, o‘zi yoqlagan nomzodga ovozini berdi. 

Kambag‘allikni qisqartirish va bandlik vaziri Behzod Musaev ham saylovda qatnashib, ovoz berdi. 

Saylov jarayoni davom etmoqda. Boshqa davlat amaldorlari ham jarayonda faol ishitok etib, ovoz bermoqda.

Avvalroq Senat raisi Tanzila Norboyeva saylovda qatnashgan xabar qilingandi. Shuningdek, muftiy Nuriddin Xoliqnazarov ham prezidentlik saylovida ovoz bergan.