9-iyul — O‘zbekistonda prezidentlik saylovi kuni. Bosh prokuror o‘rinbosari saylov jarayonlarida hozirgacha jiddiy qonunbuzilish holati aniqlanmaganini ma’lum qildi.
Unga ko‘ra, saylov jarayonlarida uning natijalariga u yoki bu tarzda ta‘sir ko‘rsatishi mumkin bo‘lgan biror-bir jiddiy qonunbuzilishi hozirgi vaqtga qadar aniqlanmadi. Xodimlar prokuratura organlarining barcha bo‘g‘inlarida tashkil etilgan 24 soatlik uzluksiz navbatchilikda xizmat qilmoqda, ular saylov jarayonida qonuniylikni ta’minlash ishlariga to‘liq jalb etilgan.
Qayd etilishicha, bugungi siyosiy tadbirning tinch va osoyishta o‘tkazilishi, jamoat tartibining saqlanishi qat’iy nazoratga olingan.
“Soat 15:00 ga qadar prokuratura organlariga saylov jarayonida shu kunga qadar fuqarolardan 250 dan ortiq murojaatlar kelib tushgan bo‘lib, ularda asosan saylov qonunchiligiga oid huquqiy tushuntirish so‘ralgan. Huquqbuzarliklarga oid xabarlar va murojaatlar kelib tushmadi”, — deydi u.
Izoh (0)