Toshkent viloyatning Piskent tumanida 8-iyul kuni g‘alladan bo‘shagan yerda somonpoya qoldiqlari yoqib yuborildi.
Ekologiya, atrof-muhitni muhofaza qilish va iqlim o‘zgarishi vazirligi Toshkent viloyati boshqarmasining ma’lum qilishicha, o‘rganish davomida tumaning “Oqtepa” MFY hududidagi “Ortiqov Islom” fermer xo‘jaligiga qarashli bo‘lgan g‘alladan bo‘shagan 6 gektar yerda somonpoya qoldiqlari yoqilgani aniqlangan.
Soha vakillari tomonidan holat yuzasidan tabiatga yetkazilgan zarar 11 million 793 ming 211 so‘mni tashkil qilgani hisob-kitob qilingan. Ayni paytda holat yuzasidan fermer xo‘jaligi rahbari O.I.ga nisbatan qonunda belgilangan tartibda chora ko‘rish uchun hujjatlar rasmiylashtirilmoqda.
5-iyun kuni Piskent tumani “Chimqo‘rg‘on” MFY hududida joylashgan fermer xo‘jaligiga tegishli 9,2 gektar yer maydonining g‘alladan bo‘shagan qismida somonpoya qoldiqlari yoqib yuborilgandi.
Izoh (0)