Ukrainada urush boshlangandan beri mamlakat milliy xavfsizligiga tahdid bo‘yicha 1 600 ta jinoiy ish qo‘zg‘atilgan bo‘lib, shundan 1 300 tasi davlatga xiyonat bilan bog‘liq holatlardir. Bu haqda Ukraina Davlat tergov byurosi matbuot xizmati xabar berdi.
“Davlat tergov byurosi tomonidan davlatimiz xavfsizligiga qarshi jinoyatlar bo‘yicha 1 677 ta jinoyat ishi bo‘yicha tergov harakatlari olib borildi. Ulardan 1 315 tasi davlatga xiyonat qilish fakti bo‘yicha, 286 tasi ‘chet el maxsus xizmatlariga hamkorlik faoliyati’ fakti bo‘yicha, 23 tasi bosqinchi davlatga sherik bo‘lgan shaxslarga nisbatan qo‘zg‘atilgan jinoyat ishlaridir”, — deyiladi vazirlikning Telegram-kanalida.
Eng ko‘p jinoiy ishlar Lugansk, Zaporojye, Xerson va Donetsk viloyatlarida qo‘zg‘atilgan. Shu bilan birga, 1,5 ming kishi davlatga xiyonat va hamkorlikka oid moddalar bo‘yicha tekshirilmoqda.
Motor Sich zavodining sobiq prezidenti Vyacheslav Boguslayev Rossiya bilan hamkorlikda ayblanmoqda. Ukraina Davlat tergov byurosi 2022-yil aprelida uni Mi-2 vertolyotini Ukraina razvedkasiga topshirishga to‘sqinlik qilgan deb hisoblaydi. Vyacheslav Boguslayev 2022-yil oktabr oyidan beri hibsda.
Izoh (0)