Украинада уруш бошлангандан бери мамлакат миллий хавфсизлигига таҳдид бўйича 1 600 та жиноий иш қўзғатилган бўлиб, шундан 1 300 таси давлатга хиёнат билан боғлиқ ҳолатлардир. Бу ҳақда Украина Давлат тергов бюроси матбуот хизмати хабар берди.
“Давлат тергов бюроси томонидан давлатимиз хавфсизлигига қарши жиноятлар бўйича 1 677 та жиноят иши бўйича тергов ҳаракатлари олиб борилди. Улардан 1 315 таси давлатга хиёнат қилиш факти бўйича, 286 таси ‘чет эл махсус хизматларига ҳамкорлик фаолияти’ факти бўйича, 23 таси босқинчи давлатга шерик бўлган шахсларга нисбатан қўзғатилган жиноят ишларидир”, — дейилади вазирликнинг Telegram-каналида.
Энг кўп жиноий ишлар Луганск, Запорожье, Херсон ва Донецк вилоятларида қўзғатилган. Шу билан бирга, 1,5 минг киши давлатга хиёнат ва ҳамкорликка оид моддалар бўйича текширилмоқда.
Motor Сич заводининг собиқ президенти Вячеслав Богуслаев Россия билан ҳамкорликда айбланмоқда. Украина Давлат тергов бюроси 2022 йил апрелида уни Ми-2 вертолётини Украина разведкасига топширишга тўсқинлик қилган деб ҳисоблайди. Вячеслав Богуслаев 2022 йил октябрь ойидан бери ҳибсда.
Изоҳ (0)